Një 21-vjeçar nga Durrësi ndodhet në gjendje të rëndë pasi gjatë një konflikti është goditur me thikë nga një i mitur.
Shkak i konfliktit mes dy të rinjve kanë qenë për motive të dobëta, e cila më vonë çoi deri në përdorimin e thikës.
Autori i ngjarjes është arrestuar menjëherë nga policia e Durrësit, mbi të rëndojnë akuzat, “Plagosja e rëndë me dashje” dhe “Prodhimit dhe mbajtjes pa leje të armëve të ftohta”.
Njoftimi i policisë:
Plagos me thikë një shtetas për motive të dobëta, arrestohet në flagrancë autori. Specialistët për Hetimin e Krimeve të Rënda në Drejtorinë Vendore të Policisë Durrës arrestuan në flagrancë shtetasin: S.S. 16 vjeç, banues në Durrës. Shtetasi i mësipërm, më datë 23.01.2018, rreth orës 10:30 në lagjen Nr.16, Durrës, pas një konflikti për motive të dobëta ka plagosur me thikë shtetasin A.K. 21 vjeç, banues në Durrës. Shtetasi i dëmtuar ndodhet në Spitalin Ushtarak Tiranë nën kujdesin e mjekëve. Grupi hetimor ka sekuestruar në cilësinë e provës materiale mjetin prerës(thikë).