Show-Bizz

VIDEO/ Babai përlot këngëtaren, i jep një porosi Live në TV

16:40 - 23.01.18 Gazeta Shqiptare
GSH APP Download on Apple Store Get it on Google Play

Një ndër të ftuarat artiste në emisionin “Kush vjen për drekë” ka qenë sot këngëtarja Arinda Gjoni, e cila është surprizuar përmes një videomesazhi nga babai i saj.
Gjoni tha se ka marrëdhënie shumë të ngushtë me babanë e saj dhe nuk bën asgjë pa marrë më parë mendimin e tij. Ndërkohë gjatë videomesazhit babai i saj i dha një porosi këngëtares duke i thënë të mos heqë dorë nga muzika shqiptare pavarësisht ofertave për të qenë pjesë e tregut botëror.




“Kam ca të reja në lidhje me karrierën time. Më ka kontaktuar një kompani producive në Turqi. Në fakt duhet të ndodhte e kundërta por unë kam qenë me fat, ata më kanë gjurmuar dhe më kanë dërguar email. Tashmë unë do të bëj këngë anglisht, do më bëjnë koncertet në gjithë botën, pastaj varet si do eci sepse edhe kjo është me fat. Unë se kam kërkuar këtë gjë dhe më dukej e largët, por nganjëherë gjërat vijnë kur si pret. Unë kam babanë pianist dhe e kam pjesë të bandës time dhe menaxher. Kam fituar vetëbesim duke kënduar live dhe se kam më fare problem, kjo gjë më ka rritur. Tani unë jetoj në Tiranë bashkë me prindërit, babain e kam si shok ngaqë punojmë dhe bashkë. Jam shumë e lidhur me babain, po nuk mora mendimin e tij nuk bëj asgjë”, tha Arinda.

Ndërkohë babai i saj Mark Gjoni në videomesazh tregoi edhe momentin kur Arinda kishte interpretuar një këngë shumë të vështirë dhe pas atij interpretimi mori vendimin që ajo të ndiqte shkollën e muzikës.

“Kur Arinda ishte 9 vjeç ka nisur të këndojë, ndërkohë që unë luaja në instrument më tha: A mund të këndoj një këngë?
Po i thash unë. Ishte një këngë që këndohej në atë kohë “Vetë më the të dua” titullohej.

Ishte këngë që ne muzikantët e quajmë pak si të vështirë sidomos për fëmijët. Arinda e interpretoi me saktësi atë këngë dhe nga ai moment vendosa që Arinda të vazhdojë shkollën e muzikës. Unë i them Arindës në mënyrë të vazhdueshme që rruga e artit është shumë e bukur, e gjatë por pa destinacion. Në momentin që mendon se ke arritur destinacionin ti ke humbur rrugën. Duhet të punosh shumë. Porosia ime për Arindën është të mos e harrojë këngën shqipe”, tha babai i këngëtares Mark Gjoni.

Pas videomesazhit këngëtarja e surprizuar është përlotur dhe premtoi se nuk do të largohet nga muzika shqiptare pavarësisht ofertave dhe projekteve në të ardhmen. /Tvklan


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.