Ekonomi

Konfirmohet projekti, edhe në Theth do të ndërtohen tre hidrocentrale

22:00 - 12.02.18 Gazeta Shqiptare

Ndërtimi i hidrocentraleve në Shqipëri, do të prekë edhe zonën e Thethit. Konfirmimi është bërë drejtpërdrejtë nga Ministri i Energjetikës dhe Infrastrukturës, Damian Gjiknuri i ftuar në emisionin ‘Studio e Hapur’ në ‘News24’.

Në fjalën e tij, Gjiknuri pranoi se në zonën e Thethit do të ndërtohen 3 hidrocentrale. Por siç tha ai jo në zonë të mbrojtur.

“Nuk kemi dhënë HEC në zonë të mbrojtur në Theth. Po do të ndërtohen. Por jo në zonë të mbrojtur, por larg saj”, tha shkurtimisht Gjinkuri.

Po ashtu Gjiknuri u pyet edhe për HEC-et në Valbonë:

“Ju e merrni të gjithë zonën. Tek Osumi, në pjesën e poshtme të tij, nëse nuk ka lidhje me kanionin, ska lidhje. Për pjesën e Valbonës e kemi sqaruar. HEC ka marrë lejen dhe ka nisur puna. KKT ka dhënë lejen dhe atij projekti i kemi kushtuar vëmendje që të mos ketë impakt mjedisor”.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *