Ish-ministri i Ekonomisë, Tregtisë dhe Energjetikës, Genc Ruli ishte i ftuar këtë të martë në emisionin ‘Studio e Hapur’ me Eni Vasilin në “News24”, ku mbi të gjitha komentoi dosjen e aferës së CEZ.
Ish-Ministri dhe njëherësh deputet i PD komentoi edhe thirrjen e tij në Prokurori pak ditë më parë, ashtu si dhe djalin e ish-kryeministrit Sali Berisha, Shkëlzen Berisha.
Dhe duke qenë se ky i fundit e cilësoi fletë-thirrjen e Prokurorisë si sulm politik, për ish-ministrin demokrat të tilla veprime nuk i bëjnë aspak përshtypje, duke qenë se ka vite në politikë.
Madje, sipas Rulit, djali i ish-kryeministrit i sheh gjërat më me emocione.
Pjesë nga intervista:
Cili ka qenë roli i Berishës në këtë çështje e privatizimit të CEZ?
Berisha ka qene këmbëngulësi dhe iniciatori i privatizimit dhe kërkonte që të bëhej kjo procedurë. Procesi ka qenë shumë intensiv, që nga fillesa, kur qeveria më autorizoi mua si ministër. Berisha ka qenë iniciatori, këmbëngulësi, e ka ndjekur në mënyrë të vazhdueshme këtë proces. Qoftë nga raportimet e mia, apo qoftë nga instancat e tjera.
Ka pasur ndërhyrje nga ai?
Në asnjë rast ska pasur. Jo vetëm për CEZ. Në atë kohë janë kryer 4 privatizime. Dhe ai ska pasur asnjë rast
I biri i tij, Shkëlezi është thirrur në prokurri. Ai e ka cilësuar sulm politik, ndërsa ju jo. Si e
shihni këtë gjë?
Unë jam njeri politik. jam mësuar me sulme politike. Më kollaj fle me armiqësinë sesa me miqësinë. Zoti Berisha, i vogli i sheh këto më me emocion sesa i shoh unë. Sulm politik është kur konkludohet vendimi politik. jam përfolur për të sqaruar pozicionin tim. Një shoku im që u kap në arratisje më pyetën edhe mua.
Po fakti që jeni mësuar, nuk e zhbën…
Eh për hë është hetim dhe më mirë është që të më pyesin sesa kur dalin karafilat dhe ‘sqarojnë’ gjithçka.