Dy kandidatet për deputetë të PD-së në Berat, Juvina Jani dhe Monika Qose, të cilat ishin pretendente për të marrë karrigen e deputetes pas largimit nga jeta e parlamentare të Eduard Halimit janë tërhequr përfundimisht nga lista.
Pas kësaj, mandati duket se do t’i kalojë biznesmenit Astrit Veliaj, i cili në një prononcim për News 24, është shprehur i lumtur që do të ulet në karrigen e deputetit.
“I lumtur që do jem deputet, kam qenë edhe më parë. Jam prej 20 vitesh pjesë e PD. Kam ruajtur reputacionin tim në biznes. Vendimi i dy grave për t’u tërhequr nga gara, ishte personal”, ka thënë Veliaj.
Kujtojmë se Eduard Halimi ishte i pari i listës së Beratit, ndjekur nga Astrit Veliaj, Lefter Maliqi, Bujar Hoxhaj, Myslim Haxhin, Juvina Jani dhe Monika Qosja. Mandati i takonte Astrit Veliajt, por për shkak të mosplotësimit të kuotave gjinore duhet t’i shkonte direkt mandati Juvina Janit. Duke qenë se kjo refuzoi, mandati i shkonte gruas tjetër në listë,Qosjes, por edhe kjo e fundit refuzoi.