Reshjet e dendura të shiut, kanë rikthyer edhe një herë situatën e rënduar të përmbytjeve, në zona të ndryshme të vendit.
Në Vlorë, situata paraqitet më e rëndë, me lagjet dhe rrugët nën ujë. Mësohet se Bulevardi Vlorë-Skelë, lagja “Pavarësia”, lagja “29 Nëntori”, lagja “1 Maji”, dhe shumë rrugë të tjera janë nën ujë nga reshjet e rëna.
Kjo ka krijuar vështirësi në qarkullimin rrugor, dhe jo vetëm. Po ashtu vështirësi ka pasur edhe në portin e Vlorës, për shkak të erërave të forta, dhe vështirësive të anijeve për të ankoruar.
Nga ana e saj Bashkia Vlorë u ka bërë thirrje qytetarëve që të tregojnë kujdes, pasi reshjet e shiut do të vazhdojnë edhe në ditët në vijim.
“Njoftim ! Sipas meteorologëve parshikohen shira dhe erëra të forta në Vlorë Të gjithë punonjësit e Bashkise Vlorë janë në gadishmëri të plotë Ju lutemi merrni masat për të shmangur përmbytjet në banesat apo bizneset tuaja.” thuhet në njoftimin e Bashkisë