Kukësi ka mposhtur Tiranën me rezultatin 1-0, në përballjen e dytë të 1/8-ve, duke u kualifikuar në fazën gjysmëfinale të Kupës së Shqipërisë.
Ka mjaftuar një gol i Gurit në fillim të pjesës së parë për të marrë fund aventura e Tiranës në Kupën e Shqipërisë.
Ekipi i drejtuar nga Ze Maria e kishte këtë kompeticion mënyrën e vetme për të arritur Kupat e Europës, por janë eleminuar nga kuksianët në “Zeqir Ymeri”
Ndeshja e parë mes këtyre dy skuadrave e luajtur dy javë më parë në “Selman Stërmasi” përfundoi me shifrat 1-1. Kështu, bardhebluve i shuhet “ëndrra” Europë.
Ndërkohë që në ndeshjen tjetër, Luftëtari ka qenë i dorëzuar përballë Laçit, teksa është mposhtur me rezultatin minimal 0-1.
Me këtë fitore, laçianët kualifikohen kështu për në gjysmëfinale, pasi në rezultat të përgjithshëm fitoi 0-4 ndaj gjirokastritëve.