Zëdhënësja e Përfaqësueses së lartë të BE-së Federica Mogherini, ka njoftuar takimin e ardhshëm të dialogut Kosovë-Serbi. Maja Kociançiç tha se takimi i ardhshëm mes delegacioneve do të zhvillohet më 26 Shkurt në Bruksel.
“Dëshiroj t’iu informoj se të dy palët kanë rënë dakord që raundi i ri i bisedimeve në nivel teknik, të zhvillohet më 26 shkurt në Bruksel, për të diskutuar zbatimin e marrëveshjeve të dialogut”, njoftoi Kociançiç.
Bisedimet e parapara ishin caktuar për datën 16 Janar, por u shtynë për një afat të pacaktuar, pasi ato ditë u vra politikani serb në Mitrovicën Veriore, Oliver Ivanoviç.
Shfaq Komentet (0)