Aktori i njohur Robert Ndrenika ka reaguar në lidhje me debatin e krijuar në media, pas takimi të tij me kryebashkiakun Erion Veliaj për Teatrin Kombëtar.
Përmes një postimi në profilin e tij zyrtar në Facebook, aktori i madh tregon çfarë bisedoi me kryebashkiakun Veliaj. Ndrenika thekson se projekti i paraqitur nga Veliaj, flet për një teatër modern që siç thekson ai, i pëlqeu.
Por se ky projekt do të duhet të diskutohet me komunitetin shtetëror.
Megjithatë aktori i madh, nuk heziton të ironizojë lajmet që qarkullojnë pas këtij takimi, duke thënë “më gostiti në zyrën e tij me një machiato dhe gjysëm gote ujë”
Dhe në fund e mbyll: “Paskam patur shume te drejte qe nuk dua te kem te bej me gazetare !!!”
“Sot paradite i zgjedhuri me vota te fshehta nga populli i Tiranes si kryebashkiak (z.Erion Veliaj) me gostiti ne zyren e tij me nje machiato dhe gjysem gote uje…nderkohe qe me tregoi nje projekt teatri modern qe nuk e mohoj se me pelqeu shume…nderkohe qe i thashe se duhet konsultuar me komunitetin teatror…si konkluzion une nxjerr (ne kete ore te darkes ) se paskam patur shume te drejte qe nuk dua te kem te bej me gazetare !!! R. Ndrenika.” shkruan aktori i madh
Kujtojmë se takimi i Veliajt me artistët u zhvillua të premten e 16 Shkurtit duke sjellë reagime të forta në opinionin publik, pas protestës që vetë artistët bënë për prishjen e Teatrit Kombëtar