Koreja e Veriut “u josh” nga një takim historik me zyrtarët e Shteteve të Bashkuara gjatë Olimpiadës Dimërore por e anulloi atë në minutën e fundit, zbuloi administrata e Trump.
Përpara vizitës së Mike Pence në Pyeongchang, ku nënpresidenti udhëhoqi delegacionin amerikan në ceremoninë e hapjes, zyrtarët thanë se nuk kishin kërkuar asnjë takim me Korenë e Veriut por e lanë të hapur mundësinë që mund të ndodhte.
Tani, më shumë se një javë pasi Pence u kthye në Shtetet e Bashkuara, Departamenti i Shtetit tha se një takim ishte diskutuar përpara se Koreja e Veriut “të largohej”.
Pence kishte qenë “gati për të marrë këtë mundësi”, por do ta kishte përdorur atë për të këmbëngulur që Koreja e Veriut të braktiste armët bërthamore dhe programet e raketave balistike, tha një zyrtar i shtetit të martën në mbrëmje.