Kreu i opozitës ruse, Aleksei Navalny, është arrestuar serish nga policia pastaj u lirua javë para zgjedhjeje presidenciale në të cilën ai ishte ndaluar të konkurronte.
41-vjeçari mban rregullisht protesta kundër presidentit Vladimir Putin dhe është arrestuar disa herë për zhvillimin e tyre në mënyrë të paautorizuar.
Navalny është ndaluar të konkurrojë në zgjedhjet e 18 marsit për atë që mbështetësit e tij thonë se është një dënim me burg i pezulluar dhe ai ka bërë thirrje për një bojkot kombëtar të votimit që synon minimin e legjitimitetit të Putinit.
Putin pritet gjerësisht të fitojë zgjedhjet, pavarësisht nga pjesëmarrja dhe të sigurojë një mandat të katërt në Kremlin.
Navalny shkroi në Twitter se policia e kishte arrestuar atë të enjten pasi ai kishte lënë një takim me dentistin e tij.
Ai tha se ata e kishin liruar pak më vonë, por kishin filluar procedime ligjore kundër tij për organizimin e protestave të paligjshme.
“Ata më ofruan të më shoqëronin deri diku, por unë refuzova dhe shkova në punë. Unë nuk e kuptoj se çfarë ka ndodhur dhe pse u deshën shtatë persona që të më arrestonin “, tha ai.
Nëse shpallet fajtor, Navalny përballet me burg deri në 30 ditë.