Partia Demokratike ka nisur zyrtarisht të mendojë për zgjedhjet lokale 2019. Jo vetëm kaq, por mes demokratëve tashmë dihet se kush do të jetë kandidati i PD-së për Bashkinë e Tiranës.
Deklaratën e ka bërë deputetja demokrate Grida Duma, e cila e ftuar në Report TV tha se Lulzim Basha e ka menduar se kë do kandidojë për kryetar të Bashkisë së Tiranës.
Megjithatë Duma nuk zbuloi emër, por tha se janë menduar edhe emrat për në bashkitë e tjera.
“Kandidatin për Bashkinë e Tiranës patjetër që lidershipi i PD e ka menduar. Apriori çdo kandidat tronditet. Çdo kandidat i cili nuk e merr garën si një garë për të fituar nga pozita e të humburit, atëherë është një naiv politik. Padyshim që është i tronditur. Se kur do jetë momenti këtë e vendos kryetari i PD. Janë menduar edhe kandidatët për bashkitë e tjera në rrethe”, u shpreh Duma.