Mediat e huaja i kanë dedikuar një hapsirë të veçantë një deklarate të presidentit Trump, ku këshillonte që të hapej zjarr ndaj të gjithëve që rrezikojnë jetën e studentëve nëpër shkolla.
Ai ka këshilluar mësuesit të armatosen, që të ndalojnë sulme si ai në Florida, ku humbën jetën 17 studentë.
“Hapni menjëherë zjarr nëse ndonjë i krisur vjen në shkollë, me qëllime të këqija. Mësuesit e trajnuar do të shërbejnë si pengesë për gjithë frikacakët që bëjnë veprime të tilla. […] Një shkollë pa armë është një magnet për kriminelët”, ka shkruar Donald Trump në Twitter.
Pas kësaj deklarate shokuese, njerëzit janë ndarë në dy grupe.
Një pjesë e përkrahu idenë e presidentit, ndërkohë që mësues, prindër dhe shokë të viktimave u shprehën se kjo nuk është zgjidhja e duhur, por duhet të tregohet kujdes tek reforma që lejon shitjen e armëve pa kontroll.