Zbulohen të tjera detaje të rënda nga aksidenti tragjik që ndodhi këtë të shtunë, ku humbën jetën dy persona si dhe u plagos rëndë një fëmijë i mitur.
Sipas asaj që raporton BalkanWeb, 34-vjeçarja Edlira Pisku, bashkë vjehrrin e saj Xhemil Pisku u përplasën nga një automjet teksa prisnin autobusin në stacion.
Mësohet se ata ishin në pritje të furgonit për në Berat, dhe madje ka qenë një telefonantë e nënës së Edlirës mbrëmjen e djeshme ajo që e kishte detyruar 34-vjeçaren të merrte rrugën që në mëngjes. Mësohet se gjyshja e Edlirës ishte e sëmurë rëndë, dhe se për këtë ishte kthyer edhe vëllai i saj nga Greqia.
Ndërkohë bashkëshorti i 34 vjeçares ndodhet ë emigrim, ndaj dhe për ta shoqëruar deri në Berat me djalin e saj 8-vjeçar, kishte shkuar vjehrri i saj Xhemil Prisku.
Në këtë moment, rreth orës 7:30 të mëngjesit ka ndodhur edhe ngjarja e rëndë,
Familjarët në Golem thonë se bashkëshorti i Edlirës dhe tre vëllezërit e tij punonin në ndërtim në Greqi, e pikërisht atje i ka shkuar sot lajmi i kobshëm të shoqit. Dëshmitarët thonë se 10 ditë më parë ai kishte qënë në Shqipëri e kishte qëndruar për dy ditë, por tashmë do të duhet të kthehet për mort pasi në mënyrë tragjike, bashkëshortja dhe babai i tij nuk jetojnë më.
