Kur kanë kaluar vetëm pak orë nga ngjarja e ndodhur në Shkodër, ku pas një sherri fqinji plagosi me automatik 51-vjeçarin, të tjera detaje janë zbuluar.
Burime për Gazeta Shqiptare kanë bërë të ditur se Vasel Vuçinaj, autori i plagosjes së shtetasit me inicialet M.Ç është kreu i Partisë Socialiste në këtë zonë.
Ai ka qëlluar me armë zjarri automatik në drejtim të banesës së 51- vjeçarit, banues në Vukël, duke e lënë të plagosur në shpatull dhe ndodhet në spital, paraprakisht jashtë rreziku për jetën.
“Pas një pune të mirëorganizuar të forcave policore të ndodhura në vendngjarje, u bë i mundur lokalizimi dhe kapja në kohë rekord e autorit të dyshuar të kësaj ngjarje së bashku me armën e krimit, konkretisht: Vasel Vuçinaj, 49 vjeç, banues në fshatin Vukël, Malësi e Madhe. Në cilësinë e proves materiale u sekuestrua arma e zjarrit automatik si dhe në vendngjarje nga kqyrja u sekuestruan 12 gëzhoja. Po vijojnë veprimet hetimore për dokumentimin e plotë të ngjarjes”, thuhej në njoftimin e policisë.
