Policia është përplasur me protestuesit në Itali, pasi një antagonizëm midis aktivistëve antifashistë dhe ekstremistë të djathtë, ka dominuar fushatën zgjedhore.
Në fundjavën e fundit për tubime politike përpara zgjedhjeve kombëtare të 4 marsit, protestuesit zhvilluan një marshim nga kështjella deri tek katedralja e qytetit, duke mbajtur në duar slogane kundër ekstremistëve.
Lideri i Lega Nord, Mateo Salvini arriti të grumbullonte mijëra mbështetës në sheshin Duomo të Milanos në manifestimin e mbajtur në prag të zgjedhjeve.
Ai e ka larguar partinë, nga qëllimi i saj fillestar për të siguruar pavarësisë e veriut të pasur, drejt euroskepticizmit dhe politikës kundër emigrantëve.
Teksa në Romë, një marshim i udhëhequr nga Paolo Gentiloni, kryeministri i Italisë dhe ministra të tjerë në qeverinë e tij, shprehën keqardhje për racizmin dhe ringjalljen e ideologjisë fashiste.
Në “Piazza del Popolo” rreth 100,000 njerëz u mblodhën në thirrjen e “kurrë më fashizëm”, me qëllim që të qëndronin kundër të djathtës ekstreme.
Italia shkon në zgjedhje të përgjithshme më 4 mars, teksa sondazhet sugjerojnë përparësinë e koalicionit të qendrës së djathtë të Silvio Berluskonit, ndërsa lëvizja e 5 yjeve është partia më popullore.
