Në prag të ceremonisë të mbylljes së Lojërave Olimpike “Pyeongchang 2018”, një delegacion koreano-verior është pritur me protesta.
Gjenerali Gen Kim Yong-chol që kryeson delegacionin akuzohet në të shkuarën për një sulm ndaj koreano-jugorëve.
Ai fajësohet për një sulm ndaj një luftanijeje koreano-jugore në vitin 2010-të, si pasojë e të cilit humbën jetën 46 marinarë.
Ndonëse, Koreja e Veriut mohon të ketë pasur gisht në këtë sulm, familjarët e viktimave dhe kryeministri i Koresë së Jugut u bashkuan për një protestë, duke u munduar të bllokojnë kalimin e gjeneralit në kufi.
Në Olimpiadë, të dy Koretë marshuan nën të njëjtin flamur në ceremoninë e hapjes, por gadishulli korean vazhdon të mbetet i ndarë që nga lufta e periudhës 1950-1953 dhe të dyja krahët nuk kanë nënshkruar kurrë një traktat paqeje me njëra-tjetrën.
