Brenda muajit mars, sipërmarrësit, por edhe individët do të mund të realizojnë ‘online’ pagesat e 13 detyrimeve tatimore, përmes platformës ‘e-Albania’, në çdo kohë dhe pa asnjë kosto printimi”, njoftoi Drejtoria e Tatimeve. Tatimpaguesit do të mund ta realizojnë këtë duke u loguar në portalin ‘e-Albania’ me kredencialet e tyre dhe mund të kryejnë pagesë të pjesshme ose të plotë, për pagesa e TVSH-së së biznesit, tatimi i fitimit të biznesit, tatimi i lojërave të fatit të biznesit, tatimi mbi të ardhurat personale, rentën minerare, tatimi i thjeshtuar mbi fitimin.
Në portalin ‘e-Albania’ mund të kryhen edhe pagesat për taksat kombëtare, tarifat kombëtare, tatimi i mbajtur në burim, kontributet shoqërore dhe shëndetësore nga biznesi, detyrimet globale, tatimi mbi të ardhurat nga punësimi nga biznesi dhe tatimi mbi të ardhurat personale të biznesit të vogël.
