OPINION

Qejflinj krimesh, ka nisur procesi i katarsisit

20:51 - 12.03.18 Spartak Ngjela
GSH APP Download on Apple Store Get it on Google Play

Këta të korruptuar që kanë vjedhë çdo gjë në Shqipëri në 20 vjet; çfarë janë – kriminelë?
Jo, janë qejflinj krimesh.
l.
Këtej e tutje do të shfaqen pronat e korrupsionit.
Gjithsesi, të gjitha abuzive janë, por tani që po shfaqen mediatikisht pronat e Llallës dhe Gashit, duhet që gjithsecili të kujtohet për një gjë ?
Si i kanë fituar këta këto prona?




Është shumë e rëndë kur e mendon. Që të gjitha janë para të paguara nga bota e krimit për t’iu mbyllur autorëve dosjet e krimit.
Aty, në ato prona, në pishina, hotele, vila dhe restorante gjendet gjaku i të vrarëve nga krimi i pandëshkuar; gjenden vjedhjet e shtëpive të emigrantëve dhe të shqiptarëve të ndershëm me autorë të liruar nga prokurori; gjenden para të paguara nga Basha për 200 milionë dollarët e grabitura nga Rruga e Kombit; gjenden paratë e paguara nga Meta për të mbyllur aferat e tij të korrupsionit; janë paratë e paguara për të legalizuar aktet e vjedhjes së tokave në bregdet nga të gjithë llojet e pushtetarëve dhe nga familjarët e tyre; gjenden paratë e paguara të pushtetarëve, për të legalizuar abuzimet e tyre.
E pse të zgjatemi: thjesht aty, në ato prona, gjendet bashkëpunimi i pastër i prokurorëve me krimin e organizuar.
ll.
Por kjo është vetëm njëra anë e medaljes. Ana tjetër do shihni që do të janë kryeministrat me radhë, ministrat me radhë, kryetarë bashkish, me radhë; gjyqtarë, me radhë; vrasës me pagesë që kanë vrarë për pushtetarë dhe banditë. Do të na shfaqen koncesione abuzive si shitje të pasurisë kombëtare; do të na shfaqen paratë që janë marrë me shëmtimin që iu është bërë qyteteve me shitje të shkeljeve të rënda të ligjit të urbanistikës dhe planeve rregulluese të qyteteve.
Në këto prona abuzive pushtetarësh gjendet edhe shitja e interesit kombëtar, deri në përpjekje për të asfiksuar çështjen kombëtare shqiptare.
lll.
Sot, a e patë sesi fluturoi komisioneri abuzues Saraçi, i cili kishte nxjerrë Llallën nga procesi i vetingut? Ja, ky është shembulli i parë që tregon se shoqëria shqiptare e ka filluar procesin e katarsisit të saj. Por ka edhe diçka: ka qenë kërkesa e Organit Ndërkombëtar të Monitorimit që e kërkoi pushimin e Saraçit, pikërisht për faktin që ky deshi të shpëtonte Adriatik Llallën nga vetingu.
Por, edhe pas kësaj, ende ka skeptikë në Shqipëri që nuk besojnë te ndërkombëtarët?
Dhe, mbas kësaj; ende ka skeptikë që nuk binden që lufta kundër korrupsionit në Shqipëri monitorohet nga ndërkombëtarët?
Ska problem, skeptikët le të vijojnë dhe ca pak kohë; se kanë të drejtë ngaqë ne kemi qenë në njëqind vjet një shtet abuziv dhe kundër shqiptarëve. Ky proces që ka filluar është katarsisi ynë që vjen pas një shekulli. Shqiptarët janë të lodhur; të rrazbitur nga dhuna që i ka dënuar me varfëri. Varfëria shqiptare është vepër e abuzimit kryeministror njëqind vjeçar.
Prandaj katarsisi që ka filluar si proces, do t’i sjellë shqiptarët te drejtësia, ligji dhe ndëshkimi e shpronësimi i keqbërësve të tyre. Dhe kjo, sigurisht që është e lidhur edhe me fillimin e procesit për eliminimin e varfërisë së imponuar shqiptare.
Shqiptarët tani do të shohin sesi në njëzet vjet janë poshtëruar nga abuzimi antiligjor dhe sigurisht që do ta kuptojnë sak historinë e trishtë shqiptare si vepër të korrupsionit qeveritar; por edhe si luftë njëqind vjeçare për mbijetesë nga imponimi për shfarosjen e tyre në favor të pushtimit të territoreve shqiptare nga fqinjët sllavë dhe grekë.
Mbi të gjitha, angazhimi amerikan dhe perëndimor në përgjithësi; pa dyshim që ka dalë për të rivendosur të drejtat e dhunuara të shqiptarëve deri dhe me genocidin e hordhive kriminale serbe dhe greke. Ja, edhe këtë kontekst historik të drejtash për shqiptarët e mbart me vete lufta kundër korrupsionit në Shqipërinë e sotme.
Prisni dhe shikoni!


Shfaq Komentet (1)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.

  1. Vertet e ka Ngjela?Nderkombetaret do na bijne ne udhe te Zotit?Veshtire te imagjinohet.Patjeter me shume “sukses” Shqiperia jo vetem nuk eshte ndare nga sistemi unikal hoxhisto-komunist por (per te qare) udhehiqet e sigurte nga po ata komuniste kriminela e bijte e tyre.Shikoni kllounin krieminister.Menyren e komunikimit,lidhja me masaat,grupe armiqsore qeferria ne baze,gju me gjume populin ,propoganda me %.etj etj.te krijohet pershtypja se vazhdon koha e Dulles.Te kuptohemi drejt jo se nuk duan nderkombetaret e amerikanet por thjesht se “kuptojne”.Ne vend qe te ndihmonin PD-ne (Jo Bashen) bene aleance me qeferrine drogiste komuniste duke e shkaterruar Opoziten.Si ta kuptojme nuk paska njeri tjeter per minister te brendshem por u gjet Xhafa komunisti i thekur,po keshtu jane te gjithe qeferritaret pa perjashtim.Mos u habisni, Nderkombetaret lane ne qetesi diktatorin Hoxha per 50 vjet jo nuk po pranokan Ramen me komunistat e rinj per 20 vjet.Ha ha ha

    Përgjigju ↓