Ka qenë një natë e mbushur me emocione dhe surpriza ajo e kësaj të marte në Champions League.
Sevilla e Vincenzo Montella ka tronditur Manchester United e Mourinhos, duke i mposhtur 2-1 anglezët në “Old Trafrford”.
Pas një pjese të parë të mbyllur në barazim 0-0, gjithçka ka ndodhur në të dytën. Ben Yedder ka zhbllokuar ndeshjen në minutën e 74-t. Katër minuta më vonë portieri i United De Gea i ka dhuruar golin e dytë miqve sërish me Ben Yedder.
Reagimi i anglezëve ka ardhur në minutën e 84-t me një gol të Romelu Lukaku-t.
Lojtarët e Mourinho janë hedhur në sulm në minuta e mbetura për të kërkuar golin e barazimit, por tentativat e vendasve kanë qenë të kota.
Në ndeshjen tjetër, Roma ka arritur të përmbysë humbjen 2-1 të pësuar 3 javë më parë në Ukrainë, duke u mjaftuar me rezultatin minimal përballë Shakhtar Donetsk 1-0, në “Olimpico”.
Në pjesën e dytë, Dzeko nuk ka gabuar përballë portës kundërshtare duke kaluar topin mes këmbëve të portierit. Verdhekuqtë kanë siguruar kështu një vend mes tetë më të mirave të Champions League.
