Qe prej vitit 2013, Sali Berisha nuk ka shkuar në studion e emisionit “Opinion”, të Blendi Fevziut. Pavarësisht disa intervistave dhënë për gazetarët e emisionit, Berisha ka refuzuar të intervistohet nga Fevziu.
Madje dhe në festën e 20-vjetorit Berisha nuk pranoi ftesën, e ndërsa njëj ditë më pas e ironizoi atë.
Në një status të datës 17 shkurt, të këtij vitit Berisha do të shpërthente ndaj gazetarit në lidhje me emisionin që bëri me ish-ministrin e Brendshëm, Saimir Tahiri. Ish-kryeministri shkruante se me emisionin e tij, Blendi Fevziu manipulon të vërtetat.
Por ku ka urrejtje ka dhe dashuri… Këtë të mërkurë ish-kryeministri Sali Berisha dhe gazetari Blendi Fevziu duket se kanë bërë paqe së bashku. Ata janë fotografuar në zyrën e Berishës, teksa kanë shtrënguar duart me njeri-tjetrin.