Ajo është një ndër emrat më të spikatur të gazetarisë televizive në vend dhe prej vitesh, si një nga figurat qendrore të formatit “Supersport” në DigitAlb.
Fjalën e kemi për bukuroshen, Vilma Masha.
Vilma Masha ka zgjedhur që të jetë pjesë e mediave dhe faqeve të para të gazetave, kryesisht për çështje që në fokus kanë profesionin e saj, ndërsa sa i përket aspektit privat ajo ka preferuar ta mbajë larg.
Por, ja ku na vjen një lajm shumë i bukur… Moderatorja e njohur ka vendosur t’i jap fund beqarisë, duke kurorëzuar në altar lidhjen e saj disa vjeçare me njeriun që i ka rrëmbyer zemrën.
E ftuar në emisionin “Në shtëpinë tonë” në Top Channel, Vilma ka rrëfyer se shumë shpejt do të vesh fustanin e bardhë, duke plotësuar kështu një nga ëndrrat më të bukura që një femër ka në jetën e saj.
Vilma është shprehur gjatë emisionit se partneri i saj, ka jetuar prej 13 vitesh në Romë dhe aktualisht punon në bankë. Përveç planit për martesë, ajo nuk e ka fshehur edhe synimin më të afërt, atë të një fëmije pse jo!
