Brazili mposht Gjermaninë në Berlin, duke koleksionuar kështu fitoren e dytë në 4 ditë. Amerikanolatinët kanë mposhtur Kampionët në fuqi të Botës, me rezultatin minimal 1-0.
Gjermania ishte skuadra që kontrolloi më gjatë topin, por pa arritur të kërcënojë rrezikshëm portën e brazilianëve, me këta të fundit që zgjodhën kundërsulmin.
Në një rast të ngjashëm, me sulmuesin Gabriel Jesus, që goditi me kokë dhe dërgoi topin në rrjetë, në minutën e 37’ të takimit.
Edhe në vijim, takimi pati të njëjtën tablo, teksa gjermanët kërkuan vazhdimisht të gjejnë golin e barazimit, por pa sukses.
Në këtë mënyrë, pas fitores 3-0 në Rusi, Brazili fiton edhe në Gjermani dhe merr maksimumin nga dy miqësoret në Europë, pa pësuar gol.
Shfaq Komentet (0)