Kosova është tronditur mëngjesin e sotëm, teksa një politikane shqiptare ka kryer vetëvrasje. Ngjarja ka ndodhur në Gjilan, ndërsa e ndjera ka punuar në Spitalin Regjional të Gjilanit.
Xhylie Hajdari dyshohet se ka kryer vetëvrasje në shtëpinë e saj, ndërsa gjatë vitit 2013 ka qenë edhe kandidate nga radhët e AAK-së për asamblistе për Gjilanin.
Lajmin për vdekjen e ka konfirmuar për Express zëdhënësi i policisë rajonale në Gjilan, Ismet Hashani. “Mund t’ju konfirmoj se një femër shtetase e Republikës së Kosovës, dyshohet se ka kryer vetëvrasje”, – ka thënë Hashani. Аi ka shtuar se policia është duke e hetuar rastin.
E ndjera ishte e martuar dhe ka dy fëmijë. Ajo me vite ka punuar si kryeinfermiere në spitalin regjional në Gjilan. Bashkë me të si doktor ka punuar edhe bashkëshorti i saj.
