Një çift bashkëshortësh janë masakruar me thikë brenda banesës së tyre në Qipro, nga disa persona të maskuar. Ata u qëlluan disa herë me thikë, duke bërë që çifti të humbiste jetën nga gjakderdhja
Viktimat janë Giorgos Hatzigeorigiou 60 vjeç dhe Ntina Sergiou. 60-vjeçari punonte në shkollën angleze në Nikosi, ndërsa bashkëshortja e tij në Bankën Qëndrore.
Sipas ekspertizës paraprake mjeko-ligjore, burri ishte qëlluar 30 herë me thikë, kurse në trupin e gruas kishte 10 plagë kryesisht në qafë dhe në gjoks.
Në momentin që ndodhi vrasja, në banesë ishte edhe djali 15-vjeçar i çiftit, i cili njoftoi i tronditur fqinjët, të cilët më pas lajmëruan policinë. Ai u tha hetuesve se persona të maskuar hynë në banesë dhe qëlluan me thikë prindërit e tij.
Policia qipriote është duke hetuar për të identifikuar autorët e vrasjes së çiftit të bashkëshortëve dhe për të zbardhur shkaqet e krimit të dyfishtë.
