Pas rikthimit të tij në parlament, pas më shumë se 6 muajsh, ish-ministri i Brendshëm Saimir Tahiri ka thyer heshtjen edhe në Facebook.
Në statusin e tij, ish-ministri thekson edhe një herë tjetër se kushdo që ka marrë heshtjen e tij për dorëzim, është gabuar.
Sipas Tahirit, ky veprim i tij vjen në respekt të punës së drejtësisë.
Ndërsa sa i përket të ashtuquajturave “mesazhe të koduara” për Kryeministrin Edi Rama, ai thotë se nëse do të kishte diçka për të thënë për shefin e qeverisë, zgjedh ta bëjë gjithnjë në mënyrë të drejtpërdrejtë.
“Kur gjyqin moral ta ben djalli…keshtu quhet ajo qe degjoj cdo dite nga goja e kujt ka qeverisur 25 vjet duke vrare e duke vjedhur per pushtet. Pas thuajse 6 muajsh, shkova ne Parlament. Kush e ka marre heshtjen time per dorezim, eshte gabuar. Eshte vetem respekt per drejtesine. Kete rruge do ndjek me durim. Ndersa me kete historine e mesazheve te koduara qe leshokam une, bjerini shkurt. As me duhet ti coj mesazh njeriu. Dhe po te kem, jam nga ata qe i ben drejteperdrejte. Me intereson vetem e verteta dhe drejtesia, askush e asgje tjeter. E nuk do ndalem!” shkruan ish-ministri
Kujtojmë se këtë të enjte, Tahiri u shfaq në parlament pas më shumë se 6 muajsh, që nga koha kur ndaj tij nisi hetimi për përfshirje në trafik droge.
Ndërsa në daljen nga Kuvendi, zgjodhi të përdorë një fjali të Kryeministrit Rama duke u shprehur “nuk ka bir k*rve që të më pengojë mua të kërkoj drejtësi”.
Video/ “Nuk ka bir nëne e kurve që do të më pengojë”, paralajmërimi i Tahirit me fjalët e Ramës
Rama paralajmërim për Tahirin, Tom Doshi nis sulmet nga vendi: Edhe ti do të…