Një shpërthim me tritol ka tronditur mbrëmjen e kësaj të shtune qytetin e Fierit, teksa i plagosur ka mbetur një person, që dyshohet të jetë edhe shënjestra e atenatit.
Ngjarja ka ndodhur në lagjen “29 Nëntori” rreth orës 22:55, dhe sipas të dhënave të para, i plagosuri është 38 vjeçari Ervin Memo, banues në Fier. Ky i fundit sapo kishte hipur në automjetin tip Benz me ka targë AA270IV, i cili ishte i parkuar poshtë pallatit ku ai banon.
Në këtë moment, automjeti shpërtheu duke e lëndë atë të plagosur. 38 vjeçari është dërguar me urgjencë në spitalo ku mësohet se është jashtë rrezikut për jetën.
Forca të shumta policie kanë rrethuar zonën teksa paraprakisht dyshohet se mjetit i është vendosur lëndë plasëse eksplozivë. Grupi hetimor po punon për zbardhjen e plotë të kësaj ngjarje.