Rekomandimi pozitiv i Komisionit Europian për hapjen e negociatave me Shqipërinë, ka bërë që një tjetër zyrtar i lartë europian të vizitojë nesër Tiranën.
Bëhet fjalë për Presidentin e Këshillit Europian, Donald Tusk i cili mësohet se do të zhvillojë një vizitë ditën e nesërme në vendin tonë.
Vizita e Tusk në Tiranë është në kuadrin e një turi tre ditor që Presidenti i Këshillit Europian do të zhvillojë në vendet e Ballkanit Perëndimor.
Qëllimi i vizitës është përgatitjet e samitit BE-Ballkan që do të mbahet në Sofje më 17 maj.
Kujtojmë se Këshilli i Europës, do të vendosë në qershor lidhur me rekomandimin e Shqipërisë për hapjen e negociatave me BE-në.
Shfaq Komentet (0)
