Një djalë i ri shqiptar është masakruar në kryeqytetin grek, Athinë. Sipas mediave helene krimi makabër ka ndodhur në sheshin e lagjes “Exarchia”.
23-vjeçari Mihal Kapurani nga Korça u sulmua nga agresorët në sheshin e lagjes, pas një konflikti që pati mes tij dhe 3 bashkëkombasve të tij për shkaqe ende të panjohura.
Fillimisht mes viktimës dhe 3 shqiptarëve të tjerë pati konflikt verbal, e pasi viktima u godit me levë, në vazhdim u godit edhe me thikë. Ndonëse u dërgua menjëherë në spital, mjekët nuk mundën ta shpëtonin 23-vjeçarin.
Autoritetet thanë se kanë indentifikuar emrat e ekzekutorëve.
Sipas CNN grek i riu shqiptar (kishte dhe pasaportë greke) ka qenë problematik dërsa dy herë është shoqëruar nga policia.
Motivi kryesor për vrasjen, sipas autoriteteve helene, dyshohet të jenë mosmarrëveshjet për drogën.
