OPINION

Miti i “ëndrrës amerikane” dhe shqiptarët

10:37 - 15.05.18 Leonora Laçi
GSH APP Download on Apple Store Get it on Google Play

Ka disa vite që aplikoj për lotarinë amerikane, si shumë të tjerë dhe ende asgjë… Përzgjedhja rastësore është si tepër rastësore, ashtu si dhe pritja që nga rastësia e rastisur të më bie lapsi edhe mua.




Por ndryshe nga vitet e tjera, këtë radhë për herë të parë po pres me ankth, jo aq nga përgjigjia e cila ka qenë negative përherë, por mendimi gërryes se po të jetë pozitive çfarë do të bëj?! A do jem e gatshme për të jetuar një “ ëndërr” të pa ëndërruar më parë ?! A është ajo çfarë dua për të ardhmen time?! Sikur këto pyetje t’ja bënim vetës kur aplikojmë besoj se shumëkush do stepet dhe do qëndronte në Shqipëri.

Miti i lotarisë amerikane ende nuk ka rënë deri sa të dal diçka tjetër më e mirë, ndoshta procesi i hapjes së negociatave me BE do na zgjeronte horizontin për mundësi të reja pa pasur nevojë të shikojmë shumë larg.
Për disa gjëra jam e bindur se; të fitosh lotarinë amerikane nuk është fitorja e një beteje por nisja e saj, është vetëm nisja drejt një destinacioni dhe jo destinacioni vetë, është hapi drejt së panjohures dhe jo e panjohura, është zgjimi nga ëndrra dhe jo ëndrra, është drita në fund të tunelit por jo dalja nga ai, është plumbi që ia fut vetes por jo arma, është problemi dhe jo zgjidhja, është e reja por jo domosdoshmërisht më e mira, është varka në mes të detit të trazuar që dhe notari a lundërtari më i mirë s’do të mbijetonte.

Ëndrrat nuk janë gjithmonë të bukura, i vetmi realitet i tyre është që nuk ndodhin realisht, derisa ëndrra nuk ndodh atëherë pse duhet të besojmë se ndodh ëndrra amerikane?!

Sot, nepërmjet mjeteve te informimit arrijmë të njohim, kuptojmë, dallojmë e të gjykojmë se jeta atje nuk është “një fushë me lule” siç na e përcjellin disa. Edhe atje vriten njerëz ditën me diell, edhe atje ka pasiguri, nëse nuk i jep shtetit nuk merr asgjë në shkëmbim, edhe atje ka pabarazi socialo-ekonomike, edhe atje ka pakënaqësi të popullit nga qeverisja, edhe atje ka trafik droge e prostitucion.

Por, atje nuk ka babëzi politike, atje interpretohet saktë taksa progresive, atje një skandal të prish karrierën e emrin, atje ka sindikata që janë për ty e me ty, atje ka ligje që duhet t’i zbatojë edhe ai që i ka hartuar e miratuar, atje funksionojnë njëllojë gjykatat për të fortët e të dobtët.

Shumë shqiptarë që jetojnë në SHBA nuk tregohen realistë për veshtirësitë që ka, ndoshta për të mos na kënaqur egon tonë të sëmurë, apo dhe për të përkëdhelur sedren e tyre dhe për tu justifikuar se kanë bërë zgjedhjen e duhur.
Por ne e dimë, atje nuk je ne gjendje të mbijetosh me nje rrogë. Atje je i humbur nëse ngel pa punë. Falimentimi njerëzor hynë pa trokitur në derë, në çdo moment.

Ne e dimë që lotaria nuk na ofron strehim, as punësim dhe asnjë integrim në shoqërinë e ftohtë amerikane. Por prapë mbajmë shpresë.

Ëndrra amerikane pas fitores së lotarisë është një luftë më vete, dhjetra dokumentacione për tu plotësuar, aq sa kur të vjen dita të shkosh do të të ketë humbur dhe dëshira nga lodhja a stërmundimi.
Ky do jetë vetëm fillimi i kalvarit të një jete të re, që ende pa filluar përballesh me shijen e hidhur të biletës, të banesës, të shkollimit, të ushqimit, sa realiteti ka për të na përplasur me dy gjunjët në tokë.

Shqiptari i sotëm nuk është ai i viteve ‘90 që i dukej ikja shpëtim dhe zgjidhje, sot mendojmë më gjatë kur duam të ndërmarrim një rrugëtim të tillë riskues, dhe kjo tregon që ne jemi pjekur deri diku si shoqëri ose kështu pretendojmë.


Shfaq Komentet (3)

Leave a Reply to Peter Cancel reply

Your email address will not be published. Required fields are marked *

* *

This site uses Akismet to reduce spam. Learn how your comment data is processed.

  1. Historia jote personale eshte historia e deshtimit dhe nje njeriu qe aspiron dhe lufton per te realizuar endrrat.
    Ne asnje vend nuk te vene tavolinen perpara dhe te japin lugen per te ngrene.Ne USA eshte ndoshta vendi ku mundesite per te realizuar endrren jane pafund, por nuk eshte vendi per pertacet dhe qaramanet e qylaxhijte.

    Përgjigju ↓
  2. leonora qenke vajze e zgjuar.une jetoj tek vajza ne amerike prej 18 vjetesh .amerika eshte shume po shume e veshtire per kedo qe vjen nga shqiperia

    Përgjigju ↓
  3. Ti je nga ata qe lan pjatat 7 dite ne jave ne Amerike dhe vjen levdohesh kot ne Shqiperi.Tipik emigrant Shqiptar ne Amerike.Sot Amerika ka marre fund.Punpn dy trepune vetem tebijetosh.Shikon pleq kudo punojne si kafshe.Kam epare pleq nga 80 vjec pastrues ne vend te shijojne pensionin dhe te udhetojne sic bejne neEvrope.Arsyeja eshte se pensionin e kane Shume te vogel dhe nuk ju del te mbijetojne.Amerioa eshte vend qe te rrjep nga taksat dhe asnje gje nuk te jep.erika eshte vetem per te pasurit qe nuk paguajne fare takse dhe per luftra qe shpenzohen triliona dhe nga lufta pasurohet te pasurit.Ne Anerike nuk ia as arsim falas,as shendetsi as ndihme sociale.Amerika eshte shtet fashist policor ku policiabron te pasurit dhe shtyp popullin duke vrare perdite njerez te pafajshem

    Përgjigju ↓