Tre zyrtarë të lartë të Partisë Demokratike do të paraqiten të nesërmen në Prokurori për t’u marrë në pyetje lidhur me audio-përgjimin e publikuar pak ditë më parë nga opozita dhe ku pretendohet se është Agron Xhafaj, vëllai i Ministrit të Brendshëm Fatmir Xhafaj, dhe një trafikant droge.
Që pas publikimit, Prokuroria nisi verifikimet teksa ka vendosur të marrë dëshminë e tre zyrtarëve demokratë Ervin Salianji, Enkelejd Alibeajt dhe ekspertit të drejtësisë pranë PD-së Gazment Bardhit.
Tre zyrtarët e lartë të PD-së do të shkojnë nesër rreth orës 10:30 për të dhënë sqarime në lidhje me autencitetin e video-përgjimit.
Ky reagim i Prokurorisë vjen pak orë pasi Kryeministri Edi Rama e cilësoi jo autentik video-përgjimin e publikuar nga PD dhe kërkoi të shkonin në burg ata që e nxorën.
Po ashtu, ndaj 3 zyrtarëve demokratë ka bërë kallëzim penal edhe vëllai i ministrit, Agron Xhafaj me pretendimin se kanë sajuar prova.