Edi Rama në mbledhjen e grupit të PS mbrojti me të gjitha mundësitë ministrin e Brendshëm, Fatmir Xhafaj.
Ai tha se e gjithë shfaqja politike e opozitës ndaj ministrit të Brendshëm dhe vëllait të tij bëhet vetëm për të bllokuar çeljen e negociatave.
“Kjo është një maskaradë destabilizuese. Për t’i thënë Evropës së Ministria e Brendshme është organizata mëmë e krimit të organizuar. Si e tillë maskaradë e kësaj here meriton një përgjigje të qartë në rrafshin politik dhe ndëshkimit penal. Prokuroria të hetojë materialin audio të opozitës, kam kërkuar nga një agjenci e specializuar ndërkombëtare për ekspertizën e këtij materiali. Kam kërkuar ndihmë nga agjencitë e huaja për vëllain e ministrit të Brendshëm”, deklaroi Rama.
“Ne nuk jemi ata, as nuk jemi si ata dhe as nuk duhet të bëhemi si ata. Nuk jemi të rënë nga qielli, engjëj jo e jo. Të pagabueshëm e as të paprekshëm, nga të këqijat që prekin njerëzit kur ulen në karrige. Ne kemi një dallim themelor me ta, ne socialistët marrim përgjegjësi për vendin dhe mbajmë përgjegjësi për veten. Parimi i atij pengmarrësi të partisë së tij, për thuajse 30 vite me radhë është unë të ngre dhe unë të mbaj. Tek ne, s’ka qenë kurrë kështu e s’ka për të qenë asnjëherë kështu. Ne nuk jemi njësoj si ata”.
“Në këtë familje politike i është dhënë një mundësi për të bërë një punë. Vendin e punës secili do ta mbajë vetë me dinjitet dhe rezultate. Jam bërë copë duke mbrojtur punën e një ministri, një kryetari bashkie dhe kur të githë e kanë rrethuar me kundërshtitë e tyre. Kurrë nuk mbroj askënd dhe as të angazhoj PS të bëjë avokatin kur është fjala të përballet me akuzat e drejtësisë. Kur Saimir Tahiri u dënua me arrest shtëpie, sipas atyre të Berishës unë kisha faj. Po ashtu kisha faj sipas këtyre të mive, që vallai e lëshova. Por ku hy unë në këtë mes dhe pse duhet të hy unë në këtë mes”