Kryesore

Basha falenderon protestuesit, tregon pse është kundër dhunës

15:30 - 27.05.18 Gazeta Shqiptare
GSH APP Download on Apple Store Get it on Google Play

Një ditë pas protestës të së shtunës, Lulzim Basha edhe njëherë kërkoi largimin e ministrit të Brendshëm Fatmir Xhafaj.




Në një postim në Facebook, kreu i PD-së duke falënderuar protestuesit që iu përgjigjën thirrjes së tij thotë nuk do të ketë një hetim të vërtetë për Agron Xhafajn, për sa kohë Fatmir Xhafaj do të jetë ministër.

Po ashtu kreu i PD-se ka dhe një për përgjigje për ata që kundërshtuan veprimin e tij, duke qetësuar tensionet që u krijuan gjatë protestës. Basha thekson se Edi Ramën dhe Fatmir Xhafajn i rrëzon e vërteta dhe jo dhuna. “Dhuna nuk është zgjidhja, e vërteta është zgjidhja”, thekson ndër të tjera kryedemokrati.

 

Postimi i plotë
Mirënjohje dhe respekt të thellë për qytetarët e Tiranës dhe mbarë Shqipërisë që dëshmuan dje, se në Shqipëri ka një popull europian dhe një qeveri antieuropiane, e cila nuk ndahet dot nga krimi dhe nga dhuna. Protesta i tregoi mbarë botës të vërtetën e krimit dhe të drogës, të vërtetën e vëllezërve Xhafaj, të vërtetën e një kryeministri i cili është lidhur aq ngushtë me krimin, sa nuk gjen dot një njeri pa lidhje me drogën që të drejtojë Ministrinë që duhet të luftojë drogën.
Qëndrimi ynë është i pandryshuar dhe i pakompromis: Fatmir Xhafaj duhet të largohet dhe do të largohet. Për sa kohë ai është ministër, nuk do të ketë hetim dhe drejtësi të vërtetë për të dhe për të vëllain dhe nuk do të ketë luftë të vërtetë kundër krimit dhe drogës.
Atyre që bëjnë thirrje për dhunë dua t’u përgjigjem direkt: Partia Demokratike lindi dhe është forcë europiane. Ajo është parti e njerëve që besojnë tek liria, demokracia dhe vlerat europiane. Fuqia e saj janë njerëzit dhe vullneti i lirë i tyre dhe jo dhuna. Edi Ramën dhe Fatmir Xhafajn i rrëzon e vërteta dhe jo dhuna. Dhuna nuk është zgjidhja, e vërteta është zgjidhja.

Ndaj nuk duhet të shpërqëndrohemi nga e vërteta: Shqipëria nuk mund të ketë një ministër të brendshëm që ka mbrojtur dhe mbron vëllain e tij trafikant. Qeveria nuk mund të jetë instrumenti i kriminelëve nga Arben Ndoka tek Armando Prenga tek Elvis Roshi tek Saimir Tahiri tek Agron Xhafaj tek Vangjush Dako, e qindra të tjerë. Qeveria duhet t’i përkasë popullit dhe të punojë për popullin

 


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.