Ish-astronauti amerikan Alan Bean, i cili ishte njeriu i katërt që shkeli në Hënë, ka humbur jetën në Teksas, në moshën 86-vjeçare.
Familjarit e tij njoftuan se ai kishte humbur jetën dy javë më parë, në mënyrë natyrale në një spital në Houston.
Përveçse astronaut, ai ishte edhe një artist i shkëlqyer, duke prodhuar piktura të frymëzuara nga hapësira.
Astronauti Mike Massimino e përshkroi Beanin si “njeriun më të jashtëzakonshëm që kam takuar ndonjëherë. Ai ishte një kombinim i arritjeve teknike si astronaut dhe arritjeve artistike si një piktor, tha Massimino, i cili fluturoi në dy misionet e anijes kozmike.
Alan Bean, një ish-pilot i Marinës së SHBA-së, u përzgjodh nga NASA si një praktikant në vitin 1963.
Ai shkoi në hapësirë dy herë, herën e parë në nëntor të vitit 1969, si pilot i modulit hënor në misionin Apollo 12.
Në vitin 1973 ai ishte komandant i fluturimit të dytë me ekip në Skylab, stacioni i parë i hapësirës së Amerikës.
Ai u tërhoq nga NASA në vitin 1981 dhe nisi një karrierë të suksesshme si artist.
Pikturat e tij, të frymëzuara nga udhëtimi në hapësirë, duke paraqitur pamje të hënës dhe pjesë të vogla të misioneve.