Është ndarë krejt papritur nga jeta spikerja e Radio Shkodra, Suzana Dibra. Prej 40 vitesh në këtë institucion, ajo ishte zëri emblematik, që tashmë do t’i mungojë gjithkujt që e ka dëgjuar qoftë dhe njëherë të vetme.
Ardian Hoti, kolegu i saj ka pohuar se e priste Zanën sot për të dhënë lajmet, por kanë marrë vesh lajmin e kobshëm se ajo ka pësuar atak kardiak. “Suzana Dibra, zëri embleme i Radio Shkodrës, tashmë do të na mungoje..!
E prisnim ne Radio sot për të dhënë bashkë edicionin e lajme kryesore por na erdhi lajmi i trishtë i ndarjes së saj nga jeta..!!! Zana Dibra, mikja dhe kolegia jonë e mirë, na shokove dhe trishtove pa masë me vdekjen e parakohshme!
Pushofsh në paqe!”.
Ikja e gazetares, e cila pësoi atak kardiak ka lënë pas shumë dhimbje te familjarët, miqtë dhe të gjithë ata që e kanë njohur.
Ndërsa kolegia Merisa Gjoni shkruan: “Jo gjithmonë ka lajme te mira! Ky është nder ato lajme qe asnjëherë s’do doja te jepja! Pushofsh ne paqe Suzana Dibra! Do kujtohesh gjithmonë për zërin unik!