Presidenti i Serbisë, Aleksandër Vuçiç ka thënë se nuk është e rëndësishme mbajtja e konferencës “Rambuje 2” për zgjidhjen e çështjes me Kosovën, pa pasur rezultate.
Vuçiç shikon me rëndësi përmbajtjen e propozimeve që mund të bëhen, duke theksuar se në ditët në vijim do të shtohet presioni mbi Serbinë, shkruan “Most”.
“Jam i interesuar në esencë dhe rezultat. Ne duam zgjidhje të cilën Serbia e dëshiron dhe që mund ta pranojë; ta ruajë fytyrën, që njerëzit të mos ndjehen të turpëruar, ta di se ka të ardhme”, ka thënë ai.
Presidenti i Serbisë shtoi se zgjidhja kërkohet për një ardhme të paqtë dhe të sigurt të serbëve të Kosovës dhe Metohisë.
Shfaq Komentet (0)