Kryeministri Edi Rama ka reaguar për arritjen e marrëveshjes mes Greqisë dhe Maqedonisë për emrin e ri që do të mbajë kjo e fundit.
Përmes një postimi në Twitter, Rama përgëzon arritjen e marrëveshjes mes dy Kryeministrave Zaev dhe Tsipras.
Sipas Ramës, tashmë Ballkani është një vend më i mirë ndërsa nënvizon se dy liderë progresistë bënë sot histori duke i treguar botës se me vullnet dhe vizion mund të lihen pas problemet e së shkuarës.
“Dy liderë progresivë të vendeve fqinjë bënë historinë sot duke i treguar BE-së dhe botës se si vizioni dhe vullneti për të kapërcyer të kaluarën mund të gjejnë hapësirë për të ardhmen! Tsipras dhe Zaev, Ballkani sot është një vend më i mirë falë ju të dyve”, shkruan Rama.
Two progressive leaders of neighbouring countries made history today and showed EU&TheWorld how vision and willingness to overcome the past can find space for the future where it appears to be none! Chapeau @atsipras @ZoranZaevBalkans are today a better place thnx to you both
— Edi Rama (@ediramaal) June 12, 2018
Kujtojmë se këtë të martë, Zaev dhe Tsipras arritën marrëveshjen që Maqedonia këtej e tutje të quhet Republika e Maqedonisë së Veriut, duke i dhënë fund kështu një ngërçi prej vitesh mes të dyja shteteve fqinje.