Në qoftë se do të pyesnit meshkujt se cila është gjëja që i besdis më tepër tek partneret e tyre, me siguri do të përmendnin momentin kur ato duhet të zgjedhin veshjen. ose në rastin më të keq, kur thonë që nuk kanë asgjë për të veshur ndërkohë që dollapi i tyre është plot e përplot.
Përzgjedhja e veshjes së duhur nuk është aq e lehtë sa duket. Në fakt ajo i kushton gjithësecilës prej nesh plot 17 minuta në ditë që e përkthyer në shifra është – 6 muaj jetë. Sipas një studimi të fundit, i kryer në Angli nga agjencia ”Marks & Spencer”, femrat harxhojnë mesatarisht 17 minuta kohë çdo ditë në mëngjes për të gjetur veshjen e “përshtatshme”.
Gjatë këtyre minutave, femrat e gjejnë veten në mes të një pirgu rrobash të hedhura ngado dhe gjithmonë përfundojnë duke veshur atë që kanë zgjedhur në fillim. Nga studimi rezultoi se 62% e femrave vuan prej “kapriçove të garderobës”. Ato u shprehën se nuk kishin çfarë të vishnin edhe pse një pjesë e veshjeve të tyre ishin thuajse të paprekura.
