Katër drejtorë rajonalë të Hipotekave dhe dy të ALUIZNI-it janë shkarkuar. Vendimi është marrë me urdhër të kryeministrit Edi Rama. Në një takim të zhvilluar në Tiranë me drejtuesit rajonalë, kreu i qeverisë ka evidentuar performancën e dobët të drejtorëve. Nuk dihet ende se cilët nga drejtorët rajonalë janë shkarkuar.
Ai e ka konsideruar të tepërt qëndrimin e tyre në detyrë kur rezultatet nuk janë optimiste, ka mosrealizim dhe performancë e dobët.
Këtë të enjte kryeministri Edi Rama dukej se kishte vendosur të marrë vetë në dorë drejtimin e platformës së bashkëqeverisjes duke e kthyer një takim periodik publik atë të prezantimit të shifrave të rasteve të denoncuara dhe të zgjidhura përmes saj.
Kryeministri këmbëngul se aksesi që ky portal i krijon qytetarëve është shumë më i madh se çdo mik apo zarf ryshfeti që mund të përdorin për të zgjidhur problemet me administratën.
Bashkëpunimi qytetar, Rama është i bindur se do të mundësojë dhe përmbushjen e premtimit për pastrimin e administratës nga të korruptuarit dhe të paaftët.
