Nuk është hera e parë që Roza Latit i kërkojnë që të ndërhyjë në çështje që lidhen me kafshët. Duke ditur se sa e lidhur është ajo me qentë sidomos, ndjekësit e saj i kanë kërkuar ndihmë për një qen që po keqtrajtohej. Por mesa duket moderatores së “Why Not” i ka ardhur në majë të hundës me njerëz mosmirënjohës për veprimet dhe reagimet e saj lidhur me këto kafshë të pambrojtura.
Kështu që ajo, nëpërmjet një statusi në ‘Instastory’, u tha që të veprojnë vetë në vend që t’i kërkojnë ndihmë asaj, duke qenë se nuk kënaqen asnjëherë me veprimet e saj. Por kjo s’do të thotë që Roza do të heqë dorë nga mbrojtja e tyre, pavarësisht kërkesave të pafund të ndjekësve. “Ndihmojini vetë”, thotë Lati. E pse jo, të gjithë të veprojnë që mos të ketë më sjellje të tilla barbare tek kafshët e pambrojtura!