Një aksident i rëndë ka ndodhur pasditen e kësaj të diele në Milot, ku deri më tani raportohet për disa të plagosur.
Nga të dhënat e para mësohet se në aksident janë përfshirë tre automjete, dhe nga ku kanë mbetur të plagosur 5 persona.
Nuk dihet ende identiteti i të plagosurve, si dhe shkaqet e përplasjes së fortë, teksa nga foto e siguruar nga “Gazeta Shqiptare” shihet qartë se impakti ka qenë i fortë.
Nga aksidenti është krijuar radhë e gjatë automjetesh, ndërsa policia në vendngjarje ka nisur hetimet.
Njoftimi i policisë:
Kurbin
Informacion paraprak
Më datë 17.06.2018, rreth orës 17:20, në Fushë Milot, ka ndodhur një aksident automobilistik ku janë përfshirë 3 mjete, konkretisht mjeti tip Benz me drejtues shtetasin B.D., mjeti tip Suzuki me drejtues shtetasin M.K. dhe mjeti tip Volkswagen me drejtues shtetasin I.T.
Për pasojë janë lënduar 5 shtetas, pasagjerë në mjetët e përfshira në aksident të cilët janë dërguar në spital ku ndodhen nën kujdesin e mjekëve.
Policia Rrugore në vendngjarje po menaxhon trafikun e krijuar nga bllokimi i rrugës nga aksidenti.
Grupi hetimor në bashkëpunim me Prokurorinë e Rrethit Gjyqësor Kurbin, po kryejnë veprimet për zbardhjen e plotë të shkaqeve të aksidentit.
