Dy persona janë arrestuar ditën e stom në Kapshticë nga Policia Kufitare në bashkëpunim me Seksionin kundër Narkotikëve.
Pas kontrollit të ushtruar nga punonjësit e policisë u sekuestruan në cilësinë e provës materiale 21 kg e 400 gr lëndë të dyshuar si narkotike Cannabis Sativa, e cila kishte si destinacion Greqinë.
Në pranga kanë rënë Adriatik Rasa, 26 vjeç, banues në Lushnjë dhe Besart Skënderasi, 28 vjeç, banues në Vloçisht-Korçë.
Ndërkohë policia po punon për zbardhjen e plotë të rrjetit të trafikantëve, pasi dyshohet se dy të arrestuarit janë ndihmuar dhe nga persona të tjerë.
Njoftimi i policisë
Më datë 18.06.2018, nga shërbimet e Stacionit të Policisë Kufitare Kapshticë, në bashkëpunim me Seksionin kundër Narkotikëve, u bë kapja dhe arrestimi në flagrancë i shtetasve:
Adriatik Rasa, 26 vjeç, banues në Lushnjë.
Besart Skënderasi, 28 vjeç, banues në Vloçisht-Korçë.
Pasi në afërsi të fshatit Kapshticë-Devoll, në vendin e quajtur “Lugina e vogël”, këtyre shtetasve shërbimet policore të patrullës së kufirit të gjelbër, iu gjetën dhe sekuestruan në cilësinë e provës materiale brenda një çante, një sasi prej 21 kg e 400 gr lëndë të dyshuar si narkotike Cannabis Sativa, të cilën synonin ta trafikonin drejt Greqisë.
Punohet për identifikimin dhe kapjen e bashkëpunëtorëve të tjerë, të dyshuar si të implikuar në këtë ngjarje.
Neni 283/a/2 i Kodit Penal.
