Japonia do të ndeshet me Kolumbinë dhe trajneri Akira Nishino kërkon që ta lërë të gjithë presionin te trajneri rival. “Pekermani ka katër vite në krye të ekipit, unë kam pak javë dhe kjo është një diferencë e madhe. Kam përgatitur çdo gjë që munda për lojtarët dhe mendoj se kjo është e mjaftueshme. Unë jam besimplotë për ndeshjen e së enjtes”.
Ndërkohë, trajneri Pekerman deklaron se për Kolumbinë, kësaj radhe është më e vështirë sesa në Brazil katër vite më parë. “Në Brazil kishim më shumë lojtarë me peshë, ndërsa tani e kemi rinovuar shumë ekipin dhe kemi më shumë mundësi taktike. Është diçka normale, jemi përpjekur për të krijuar shanset tona në këtë Kupë Bote”.
Shfaq Komentet (0)
