Kryeministri Edi Rama ka komentuar përplasjet që ndodhën në komisionin e Medias. Ashtu si socialistët e tjerë edhe Rama ka marrë në mbrojtje kreun e Bashkisë së Tiranës.
Sipas tij PD është e angazhuarfizikisht e ka kthyer debatin parlamentar në një teatër gjuhësh e gjymtyrësh të dhunshme.
Sherri në Komisionin e Medias mori përmasa të mëdha kur pas disa kërkesash të përsëritura të kryetares së këtij komisioni, Albana Vokshi, që kryebashkiaku i Tiranës të nxirrej jashtë nga Garda e Republikës, deputeti demokrat Flamur Noka u ngrit për ta zgjidhur vetë çështjen.
Noka iu drejtua Erion Veliajt për ta ngritur nga karrigia ku ishte ulur dhe vetëm ndërhyrja e Gardës së Republikës shmangu përplasjen fizike.
Më pas të gjithë të pranishmit u ngritën në këmbë duke diskutuar me tone të larta.
“Garda të nxjerrë jashtë kryetarin e bashkisë, ndryshe do të kërkoj që të merren masa. Garda, zbatoni ligjin! Ju kam kërkuar që të nxirrni jashtë kryetarin e bashkisë, pasi është i paftuar në komision. Ka ardhur që të prishë mbledhjen”, tha Vokshi.
Pas disa minutash debate, Erion Veliaj vendosi që të largohej duke thënë “Tirana do fitojë”. Pas tij u largua edhe ministrja e Kulturës, Mirela Kumbaro, së bashku me deputetët socialistë.
To he kryeminister ordiner,po ketyre legenave dhe analfabeteve ,vetem ti ju vjen hakut se ashtu I duan gomeret drute mbi Samar.