Një prej të akuzuarve si bashkëpunëtor në vrasjen e të riut Mavri Mihalit është rikthyer në burg.
Gjykata e Tiranës ka pranuar kërkesën e Prokurorisë për ndryshimin e masës së sigurisë për Eugen Bitrajn, mbi të cilin rëndon akuza si bashkëpunëtor në vrasjen e Mavri Mihalit, ngjarje e ndodhur rreth një vit më parë.
Më herët, mbi Bitrajn ishte vendosur masa e sigurisë “detyrim paraqitje”.
Ndërkohë, vendimi i Gjykatës së Tiranës vjen pak ditë pasi ndryshoi masën e sigurisë edhe për Kridens dhe Marsel Alla, duke i rikthyer në burg.
Ndryshimet e masës se sigurise erdhën pas denoncimit që bënë fëmiljarët e viktimës pas lirimit të tre të akuzuarve.
Familjarët paraqitën pamje filmike të kamerave të sigurisë që kishin fokusuar ngjarjen ku shfaqeshin të katër të akuzuarit që godisnin me thikë djalin e tyre.