Në lajmet tona të “show-bizz”-it, në rubrikën “nostalgji” mund të gjeni fotografi, lajme apo intervista të veçanta, të publikuara gjatë viteve në suplementin “Bluetooth” të “Gazetës Shqiptare”. Në GSH.al, sot po ju sjellim: Defrimi i Rona Nishliut. Ish-gruaja e Kastro Zizos,në jetë nate.
Dëfrimi i Rona Nishliut
Ronës i pëlqen shumë të dëfrejë dhe të zbavitet me mikeshat e saj dhe padyshim një ndër to është edhe Flaka Krelani, madje një mikeshë e ngushtë. Duke parë këtë foto, e teksa shohim Ronën që qesh kaq shumë e i drejtohet më pas Flakës, mendja të shkon tek vera, që si gjithmonë vajzat i bën të qeshin më tepër, por ja që vajzat po pinë lëng frutash dhe neve na mbetet të mendojmë që batutat e shumta i kanë lënë vendin të qeshurës së shumtë. Nga ‘e mekura’ e Ronës, Flaka është ndjerë paksa në siklet, aq sa ka nisur të shohë rreth e rrotull nëse ndokush po i shihte apo jo.
Ish-gruaja e Kastro Zizos,në jetë nate
Ndarja e tyre qëndroi në kopertinat e mediave rozë për shumë javë me radhë… Ai nuk e pranonte ndarjen, në ndryshim nga ajo, që e ka pohuar gjithmonë këtë gjë… Jola, ish-gruaja e Kastros ka vendosur që kohët e fundit t’i përkushtohet më shumë vetes… Siç e shikojmë edhe nga foto, Jola ka vendosur të dëfrejë nën shoqërinë e miqve në një nga klubet e natës. Mesa duket ajo tani e ka hedhur pas historinë me Kastron dhe dëshiron që një tjetër jetë të nisë për të…
Ky shkrim u botua më 8 maj 2010