Një aksident ka ndodhur ditën e sotme në Paskuqan, ku një automjet tip “Volkswagen” ka përplasur një 25-vjeçar i cili ishte duke kaluar rrugën.
I plagosuri është dërguar në spital për të marrë ndihmën e parë mjekësore, por deri më tani mësohet se gjendja e tij shëndetësore është e rëndë.
Policia ndodhet në vendngjarje dhe ka ndaluar drejtuesin e mjetit, teksa është marrë në pyetje për zbardhjen e plotë të rrethanave të aksidentit.
Njoftimi i policisë
Më datë 23.06.2018, rreth orës 20:40, në Paskuqan Nr.1, mjeti tip “Volkswagen” me targë AA 576 OH, me drejtues shtetasin G. P., ka aksidentuar këmbësorin E. R., rreth 25 vjeç, i cili është dërguar në spital për ndihmë mjekësor dhe aktualisht ndodhet në gjëndje të rëndë shëndetësore.
Shërbimet e Policisë dhe drejtuesi i mjetit ndodhen në vendngjarje, po kryhen veprimet e mëtejshme hetimore dhe proceduriale për zbardhjen e shkakut dhe rrethanave të aksidentit.
