Edi Rama, Kryeministri i Shqipërisë është pritur me protesta në Vlorë. Përfaqësues të PD-së janë ndaluar nga policia, për të qenë pjesë e takimit në Vlorë.
Kryeministri Edi Rama ka zhvilluar disa takime në Vlorë mbi prezantimin e projekteve dhe dëgjesë në qytet, por PD e ka pritur me protesta. Aktivistë të PD në Vlorë, nuk janë lejuar të hyjnë në takimin e programuar në pallatin e sportit në Vlorë. “Dëgjesën të vijë ta bëjë më ne”, – shprehen ata të revoltuar.
Nga ana tjetër masa e sigurirë kanë qenë të forta dhe një kordon policie dhe të gardës nuk kanë lejuar përfaqësues të PD-së Vlorë të marrin pjesë në takim.
Me pankartat “Rama është peshku i madh”, “Vlora kryeqyteti i drogës”, “Edi Rama shiti Çamërine”, ata kanë protestuar në kohën që Rama po hynte në takim.
Deputetja Nadire Meçorapaj, por edhe drejtues të PD-së kanë kërkuar të hyjnë dhe të jenë të pranishëm në takimin e Ramës, por nuk janë lejuar nga policia. Ndërkohë që në një moment edhe një peshk si shenjë proteste ka fluturuar mbi policinë, ndërsa nuk ka munguar tensioni.
