Një grup ekspertësh kanë rënë në kontakt me një material të ri të quajtur OSPC-1, i cili mendohet se është një element që mund të shërbejë për bateritë e telefonit që do të zgjasin dy herë më shumë sesa ato aktualet.
Ata shpresojnë që materiali në fjalë do ta dyfishojë kapacitetin e baterive të litiumit, pasi shihet se është në gjendje që të mbajë një volum të lartë të joneve të litiumit.
I ardhur nga Universiteti i Lancaster, Abbie Trewin thotë për “The Times”:
“Po provonim për të krijuar një formë të re karboni, por zbuluam këtë. Menduam, a do të ishte i mirë për bateritë? E testuam se sa jone litiumi mund të thithte dhe u surprizuam.”
Ndonëse kjo punë kërkimore gjendet momentalisht në fazat e para të saj, ekspertët shpresojnë se në të ardhmen OSPC-1 do të mund të zhvillohet më tej.