Veç stresit, vetmia për njeriun sjell edhe probleme të tjera shëndetësore që pak prej nesh i dinë.
Një studim i kryer së fundi nga Universiteti i Kopenhagenit në Danimarkë arriti në konkluzionin se njerëzit e vetmuar kanë dy herë më tepër shanse të vdesin nga problemet e zemrës.
Kur njeriu nuk ka mbështetje sociale, atëherë ai është më i prekur nga stresi dhe e lë veten pas dore, pa medikamente.
Sot vetmia është më e zakonshme se kurrë thotë kryesuesja e studimit Anne Vinggaard Christensen.
“Vetmia është një parashikues i fuqishëm i vdekjes së parakohshme, shëndetit mendor më të keq dhe cilësisë më të ulët të jetës në pacientët me sëmundje kardiovaskulare”, thotë Christensen.
Një e katërta e popullsisë botërore jeton vetëm. Ky tregues jep një panoramë të rrezikut të madh që kanoset për njerëzit.
